Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

No ano no que se conmemoraba o 130 aniversario do seu nacemento, o concello de Tomiño volcouse coa figura e legado do pintor de Goián Antonio Fernández (1882-1970).

A exposición “Pintor de tres mundos”, comisariada por Carlos L. Bernárdez, marcouse como obxectivo reunir no Centro Goianés un conxunto representativo da obra deste artista, formado en Brasil, depositada en coleccións particulares e en museos galegos como o Quiñones de León en Vigo ou a Fundación María José Jove na Coruña. PXCultural tiña como tarefa principal a xestión e transporte de boa parte das obras cedidas e a montaxe da exposición.