Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Traballamos con ARVI na organización de diferentes degustacións en prazas de abastos e mercados de Vigo e contorna: O Calvario, Redondela, Cangas, As Travesas, Baiona e Teis

A Cooperativa de Armadores de Vigo (ARVI) quixo celebrar o seu 50 aniversario cunha serie de eventos que deran a coñecer o seu traballo ao tempo que servían para incidir nas delicias do mar ante o gran público. Traballamos con ARVI na organización de diferentes degustacións en prazas de abastos e mercados de Vigo e contorna: O Calvario, Redondela, Cangas, As Travesas, Baiona e Teis. Nas cociñas contamos coa valiosa axuda da xente de Pazo da Touza (Nigrán). Ademais colaboramos na montaxe da exposición “As artes da pesca”, aberta entre setembro e decembro na sede de ARVI no Porto de Vigo e na participacion de ARVI na asamblea da NAFO, celebrada entre o 22 e o 26 de setembro no Auditorio Pazo de Congresos Mar de Vigo.