Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Posiblemente a Cabalgata de Reis Magos sexa o evento máis popular en calquera cidade, tamén en Vigo.

A PXC foille encomendado en varias ocasións o coidado destes tres personaxes e a organización das súas carrozas, nas que van acompañados de escolares da cidade que, a través dun concurso, conseguen unha praza na carruaxe. Ademais os tres reis magos precisan dun escenario no que recibir a nenas, nenos e autoridades locais. A tarde do 5 de xaneiro milleiros de persoas —difícil de calcular pero preto de cen mil—, grandes e pequenas, saen ás rúas céntricas de Vigo para recibir a Melchor, Gaspar e Baltasar.