Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Unha das liñas de traballo que sobresae na traxectoria da artista Carme Nogueira (Vigo, 1970) é aquela que a leva a intervir no espazo público, interrogándoo e interpretándoo na procura da súa memoria.

O encontro entre o rural e o urbano nas nosas cidades ou a vivencia do espazo público que teñen os seus habitantes son obxectivos do traballo de Carme Nogueira, cuxa obra está presente en coleccións tan relevantes como a do Centro Galego de Arte Contemporánea e o Museo Reina Sofía. En PXC acompañámola nalgúns dos seus proxectos dándolle soporte na produción de materiais e pezas. Foi o caso do proxecto Nos Camiños, coa instalación en Cabral dunha maqueta construída con polistireno comprimido sobre pranchas de cortiza, na que se reproducía, a escala 1:250 a contorna da fábrica de louza de Álvarez, en 2007, ou na construción e transporte do contedor de Feminismos no ano 2009, un dispositivo móbil en madeira que forma parte dun proxecto aberto do que tamén participaron Uqui Permui e Anxela Caramés, co obxectivo de acoller o arquivo do feminismo galego.

http://www.cntxt.org/

---

---