Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Coa inestimable contribución como comisario do crítico Martin Pawley, en PXC organizamos durante os últimos veráns o ciclo de cine «Realidade», que enchía de público a praza do Rei de Vigo durante as noites de agosto.

O poder, os camiños e as fronteiras, a relación entre imaxes e sons, o relato biográfico…En cada edición, un eixe temático para disfrutar de títulos en 35 mm que non acostuman estar nas salas comerciais e que, porén, congregan a un número importante de persoas que procuran outro cinema. Para este ciclo de cine ao aire libre, no que colocabamos mil cadeiras, utilizouse unha pantalla de 8×6 metros e un equipo de 6.000 watios de potencia. Os carteis foron deseñados por Antonio Doñate.