Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Traballamos na montaxe de CineGalicia 25 e tamén cedimos varias pezas, entre elas o proxector do xa desaparecido Cine Vigo.

Colaboramos coa exposición Cine Galicia 25, comisariada por Miguel Anxo Fernández e que partindo de1989 como data clave para o cine galego, percorre o audiovisual do país.. Sempre Xonxa de Chano Piñeiro, Continental de Xavier Villaverde e Urxa de Carlos A.L. Piñeiro e Alfredo García Pinal, as tres primeiras longametraxes de ficción galegas, estreáronse do 23 ao 26 de novembro do 89 en Vigo, marcando o inicio dun prometedor futuro para o audiovisual do noso país. Ademais, a expo inclúe un interesado apartado dedicado ao cine en Galicia anterior aos anos oitenta. Traballamos na montaxe e tamén cedimos varias pezas, entre elas o proxector do xa desaparecido Cine Vigo.