Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Na mostra “Compañeiros de oficio”, organizada pola Fundación Barrié, o arquitecto e comisario Pedro de Llano reflexiona sobre a influencia da arquitectura popular na obra de grandes arquitectos de todo o mundo: de Le Corbusier a Álvaro Siza. Nós estivemos botando unha man na montaxe colaborando coa empresa Desoños.