Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Desde hai algúns anos colaboramos na organizacións das actividades que cada 8 de marzo promove o departamento de Igualdade do concello de Vigo en colaboración co Consello Municipal da Muller.

Neste órgano están representadas as mulleres do movemento feminista, veciñal, político e sindical da cidade e nel debátense iniciativas para conmemorar este día. Nós encargámonos habitualmente de acondicionar a praza viguesa que leva o nome de 8 de marzo, na Avenida das Camelias, e proveer dos recursos necesarios para acoller o programa de actos que se desenvolve durante toda a xornada. Miniconcertos, títeres, lecturas públicas, obradoiros, etc, forman parte da programación do Día da Muller.