Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Formas breves, Outras, 25 é a nosa primeira montaxe no MARCO, unha institución veciña da que seguimos o seu traballo e que consideramos fundamental na vida cultural da cidade.

Nunca traballaramos xuntos pero os resultados finais foron moi satisfactorios. Catorce artistas experimentaban nos seus traballos ao redor da lectura; ademais unha delas, Amélie Dubois, presentaba unha peza específica para o MARCO.

A mostra estaba coproducida co FRAC Lorraine de Metz, centro co que o MARCO convocara o Premio para Novos Comisarios, do que saíra gañadora Anja Isabel Schneider. Con ela e con Paul Edward Guy, técnico de montaxe do museo vigués,  colaboramos estreitamente durante os días previos á inauguración.

---

---