Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Colaboramos habitualmente coa Fundación Laxeiro, entidade creada en 1999, na produción do seu programa de exposicións temporais.

Ademais da colección permanente, a Fundación Laxeiro organiza mostras ao redor da obra de Laxeiro e coétaneos pero tamén cunha liña centrada no pensamento estético contemporáneo, con especial atención aos novos artistas galegos. Ao longo de 2013 asistimos á Fundación nos traballos de montaxe das exposicións “Mesa de traballo. Ensamblaxe e collage en Galicia” (1 febreiro-28 abril), “Espiñas coroadas” de Lito Portela (10 maio-14 xullo), “Colmeiro, debuxos de xuventude” (24 xullo-15 setembro) e “Juan Ortí. Traballos verticais” (18 outubro-8 decembro).