Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Durante quince días traballamos na fachada do edificio, cubríndoa cunha lona especial que transformou a nova casa do Celta nun regalo de Nadal para a cidadanía

Durante o Nadal levamos a cabo un traballo moi especial na céntrica rúa do Príncipe de Vigo. O Real Club Celta de Vigo e o arquitecto Alfonso Penela, encargáronnos “empaquetar” un edificio emblemático da cidade, o do Círculo Mercantil, agora adquirido polo club de futbol para ser a súa nova sede social. Durante quince días traballamos na fachada do edificio, cubríndoa cunha lona especial que transformou o edificio nun regalo de Nadal para a cidadanía. Tamén coordinamos o acto festivo que tivo lugar o 18 de decembro ante centos de cidadás e que contou con actuacións musicais, proxeccións e unha sorprendente solta de globos-led.