Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

A cultura arxentina desembarcou na Cidade da Cultura a través de diferentes creadores e axentes que participaron no MICA Atlántica, organizado pola Secretaría de Cultura Presidencia de la Nación de Argentina e pola Xunta de Galicia coa intención de establecer vías de coñecemento e intercambio con Galicia e Europa.

Este evento aspira a consolidarse como un foro internacional de referencia entre empresarios galegos, portugueses e arxentinos, onde a conexión trasatlántica e os lazos históricos e culturais son unha avantaxe. Organizáronse con tal fin rondas de negocios, conferencias, debates e presentacións artísticas en vivo. A encomenda que tiña PXCultural era levar a cabo a montaxe seguindo as directrices do responsable arxentino desta feira e asistíndoo no deseño e distribución espacial. Instalarónse totems e tarimas, equipos técnicos, sinaléctica, mobiliario e estruturas lahyer. De feito, no espazo editorial ergueuse unha Biblioteca Lahyer para unha selección de 300 títulos arxentinos e galegos.