Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Para a segunda edición da xornada Cidade Imaxinaria, desde a Cidade da Cultura pedíronnos unha proposta de pequeño formato que xirase ao redor da fantasía.

Coa colaboración da actriz Iria Pinheiro, realizamos o obradoiro “Unha familia de película”, no que participaron nenas, nenos e persoas adultas. Dúas sesións de hora e media con grande éxito de público nos que a condutora do obradoiro motivou aos participantes para caracterizarse e recrear algunhas escenas de coñecidas películas.