Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

As carautas dos peliqueiros e dos cigarróns están feitas de madeira pintada cunhas cores ben chamativas.

Non se cubre só a cara, senón que ten unha prolongación metálica, da que penduran dous pompóns, con motivos de animais, e, detrás leva unha pelica (na antigüedade de gato montés, de lobo ou raposo), da que ven o nome de peliqueiros en Laza. As diferenzas entre a indumentaria dos peliqueiros e dos cigarróns son de matiz. Ambos teñen en común que non paran de correr en grupo, facendo soar as súas chocas, sen descobrir nunca o seu rostro. No obradoiro que desenvolvimos na Cidade da Cultura no Entroido quixemos darlle a coñecer a rica tradición do Entroido galego aos máis novos da casa aprendéndolles a maxia das máscaras tradicionais. Colaborou con nós Manuel Silva, un artista multidisciplinar que aplica a creatividade a diferentes campos de acción.