Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Máis que un festival, Portamérica é unha aposta multidisciplinar da empresa Esmerarte, na que tivemos o pracer de colaborar asumindo a produción do evento.

O festival ten lugar no Porto do Molle, en Nigrán, un parque industrial de filosofía sostible promovido polo Consorcio Zona Franca de Vigo; a nosa tarefa era asistir a Esmerarte na adecuación e organización do espazo (escenarios, mercado, acampada, aseos, restauración, subministros) para o que contamos coa colaboración do arquitecto Andrés Touceda e montar as infraestruturas necesarias. Polas diferentes actividades de Portamérica 2013 pasaron ao redor de 19.000 persoas nunha edición cuxas cabezas de cartel foron Editors, Vetusta Morla, Café Tacvba e Lori Meyers.