Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Touroperadores, xornalistas e blogueiros destacados estiveron a descubrir no mes de abril as cualidades de Vigo como destino turístico.

Facíano no marco da campaña emprendida polo concello de Vigo para promocionar a cidade no mercado asiático, concretamente en Corea do Sur. Colaboramos co departamento de Turismo da administración local nunha iniciativa que incluía unha serie de accións promocionais en medios e redes, a organización dun famtrip que trouxera a Vigo a axentes turísticos coreanos (operadores de viaxes, periodistas, bloggers) e o nomeamento do xogador do Real Club Celta Park Chu Young como embaixador de honra da cidade en Corea do Sur. Este acto, central na campaña e que contou coa presenza dos participantes no famtrip, tivo lugar na Casa Galega da Cultura e estivo precedido por unha conferencia do embaixador coreano en España, Oh Dae-Sung, sobre as oportunidades comerciais no seu país.