Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Comezamos a colaborar coa Galería Javier Teniente cunha exposición de rarezas vintage do fotógrafo Vari Caramés. “Sen numerar” non foi unha exposición ao uso. Tampouco Vari Caramés (A Coruña, 1953) como artista o é.

Comezamos a colaborar coa Galería Javier Teniente cunha exposición de rarezas vintage do fotógrafo Vari Caramés. “Sen numerar” non foi unha exposición ao uso. Tampouco Vari Caramés (A Coruña, 1953) como artista o é. Fártase de dicir que non é un intelectual, senón un apaixoado que gusta de fantasear a través do obxectivo, de xogar coas imaxes. As fotografías incluídas nesta selección saben a peza única, vintage, artesanal. Son rarezas; instantáneas únicas que Vari Caramés atesoura desde anos atrás. Porque un fotógrafo aprecia aquelas copias reveladas por el mesmo, aquelas que non teñen par. Papeis que xa non se fabrican, texturas para a memoria, grans que dan vida ás escenas e, en todo o conxunto, branco e negro.