WOMEX 2016 foi un éxito tanto en termos de participación profesional na Feira como en asistencia de público xeral aos eventos e no retorno económico para a cidade de Santiago de Compostela. En PXCultural encargámonos da montaxe.

WOMEX 2016, a feira de músicas do mundo máis relevante, celebrouse en Santiago de Compostela con apoio institucional e promovida por Nordesía Producións xunto á directiva de WOMEX, con sede en Alemaña. PXCultural encargouse da montaxe da feira, na que participaron máis de 600 expositores procedentes de 50 países, e tamén dalgúns dos escenarios para concertos e showcases. A feira ocupou practicamente toda a superficie do Museo de Galicia na Cidade da Cultura e o desenvolvemento do traballo de deseño, construción de stands, instalacións e ncesidades extras diversas, recepción de materiais e atención aos expositores, en coordinación con Nordesía e WOMEX, durou varios meses.

Estivemos en Santiago de Compostela no nacemento do Lapso Music Experience, cuxa primeira edición contou con The National como cabeza de cartel.

Estivemos en Santiago de Compostela na primavera no nacemento do http://lapsomusicexperience.com, un festival promovido polas empresas I-Radia Crea e Legal Music, cuxa primeira edición contou con The National como cabeza de cartel. Colaboramos na produción técnica, nomeadamente na montaxe e desmontaxe de infraestruturas. Por mor da choiva, o plan inicial de traballo tivo que mudar ao pasar o festival de celebrarse na praza da Quintana ao recinto feiral de Amio.
Fotografía: Cortesía de Lapso

Para mostrar a extraordinaria fotografía de Suárez, series realizadas en Galicia, América e Xapón, creouse unha atmósfera envolvente coa axuda de enormes cortinas de foam.

Baixo as directrices da Fundación Cidade da Cultura, o arquitecto Alfonso Penela e os comisarios Manuel Sendón e Xosé Luis Suárez Canal, colaboramos na montaxe da exposición “José Suárez. Uns ollos vivos que pensan”. Para mostrar a extraordinaria fotografía de Suárez, series realizadas en Galicia, América e Xapón, creouse unha atmósfera envolvente coa axuda de enormes cortinas de foam como unha segunda pel dentro do Museo de Galicia. A reportaxe fotográfica é de Manuel G. Vicente.

A peza que dá título á mostra é unha partitura xigante de 12 × 4,50 metros (ou 9 × 3 metros dependendo da sala na que se expoña). Unha partitura no chan que convida ao percorrido musical incorporando un código de relación cores-notas. Na Casa das Artes, foron os músicos de Vertixe Sonora Ensemble os que a percorreron.

Formado nas artes plásticas e visuais e considerándose a si mesmo un músico “de ouvido”, Pelayo Fernández Arrizabalaga botou man de aparellos visuais para comprender a notación musical. O que nacía como un sistema de apoio no seu desenvolvemento musical tomou forma como proxecto plástico-musical coa construción dun círculo cromático de notas. A nota DO era vermella e, fronte a ela, SI era dun ton verde prado. Primero foron temas de Charlie Parker pasados a cor; despois a escritura cromática de “Giant Steps” de John Coltrane e, como derivación lóxica, naceu a partitura xiratoria. Un cadro, si, pero susceptible de ser lido por un intérprete musical. Con motivo do 12º Festival de Jazz de Vigo Imaxina Sons a súa obra foi exposta na Casa das Artes de Vigo.

A colección de traxes do MUGAE é un conxunto de enorme riqueza e atractivo. Representa, ademais, vinte entroidos diferentes de Galicia e Portugal. Un punto forte. En virtude dun convenio entre a Deputación de Ourense e o concello de Xinzo de Limia, o museo reabre en 2016, coa colaboración de PXCultural, na procura de estabilidade e cun horizonte alentador.

O Museo Galego do Entroido (MUGAE) toma novo alento en 2016. Un proxecto que ten todo para converterse, desde Xinzo de Limia, non só nun centro expositivo para o Entroido senón nun foco de investigación sobre o mesmo. O MUGAE propón un percorrido polo Entroido en Galicia desde un dos seus epicentros.

A colección de traxes do MUGAE é un conxunto de enorme riqueza e atractivo. Representa, ademais, vinte entroidos diferentes de Galicia e Portugal. Un punto forte. Entre as tarefas urxentes do MUGAE, situarse na rede museística e cultural do país, mellorar a experiencia da visita e completar unha catalogación de fondos que acabará de dar forma a unha magnífica colección.

En virtude dun convenio entre a Deputación de Ourense e o concello de Xinzo de Limia, o museo reabre en 2016, coa colaboración de PXCultural, na procura de estabilidade e cun horizonte alentador.

Da man da empresa de eventos belga Profirst, acodimos á Feira ARCO 2015 para colaborar na montaxe da Sala Vip, deseñada e patrocinada por Zara Home.

Da man da empresa de eventos belga Profirst, acodimos á Feira ARCO 2015 para colaborar na montaxe da Sala Vip, deseñada e patrocinada por Zara Home. Denominado como “Xardín do Edén” este é un espazo que contén diferentes ambientes e zonas coa presenza de marcas que ofrecen os seus produtos. Unha área para o descanso, a gastronomía, presentacións e entregas de premios organizadas pola Feira de Arte Contemporánea que dirixe Carlos Urroz e que se celebra anualmente no IFEMA de Madrid.

Un traballo que desenvolvimos desde o mes de marzo manexando as singularidades do evento: cartel secreto, realización nunha illa, aforo limitado a 800 persoas por día e, por último, a choiva que acompañou a primeira xornada do evento.

A produtora Sinsalaudio contou con nós para traballos de produción e servizo de comunicación da edición 2015 do Festival Sinsal Son Estrella Galicia na marabillosa illa de San Simón (Redondela). Un traballo que desenvolvimos desde o mes de marzo manexando as singularidades do evento: cartel secreto, realización nunha illa, aforo limitado a 800 persoas por día e, por último, a choiva que acompañou a primeira xornada do evento. Artistas como Owen Pallet, Deerhoof, Sumrrá, All We Are e Champs triunfaron nunha nova edición de SinsalSonEG, que esgotou as entradas de sábado e domingo. Das fotográfias encargáronse Olalla Lojo e David Tombilla.

Máis de 150 obras formaron parte deste proxecto coordinado por María García Alén e con deseño expositivo dos arquitectos Irisarri-Piñera.

Colaboramos coa Fundación Cidade da Cultura na montaxe da exposición “Camiño. A orixe”. A mostra, que ofrecía unha visión contemporánea da ruta xacobea, estivo aberta do 13 de marzo ao 13 de setembro no primeiro e segundo andar do Museo de Galicia. Máis de 150 obras formaron parte deste proxecto coordinado por María García Alén e con deseño expositivo dos arquitectos Irisarri-Piñera. A reportaxe fotográfica é de Manuel G. Vicente.