Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Temos tres liñas de colaboración en difusión abertas con Vertixe Sonora: o ciclo Do Audible, o Festival VertixeVIGO e as actuacións internacionais.

Unha programación que converte a cidade nun espazo privilexiado a nivel europeo para os sons avanzados. Así é o Festival de Creación Musical Contemporánea VertixeVIGO que en 2015 chegou a súa terceira edición con vontade de medrar e chegar a máis público. Colaboramos coa asociación Vertixe Sonora na difusión do festival, co obxectivo de situalo na axenda cultural de Vigo e contorna e conseguir repercursión en medios especializados. Tamén botamos unha man na produción do concerto inaugural no Auditorio Martín Códax do CSM de Vigo.
Fotografía Vertixe Sonora Ensemble: Pablo Prados
Imaxe gráfica festival: Paulo Pascual