Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

O pintor Antón Patiño, referente de Atlántica e un dos artistas galegos máis destacados de todos os tempos, quixo volver sobre os seus propios pasos.

Acababa de redescubrir a súa obra primeirísima con motivo dunha exposición colectiva e decidiu reunir na Casa das Artes de Vigo ao redor de 250 pezas daqueles inicios coa axuda do comisario Seve Penelas. No deseño e montaxe desta Crónica do artista adolescente contabamos co primeiro andar do edificio, con estrutura circular. Traballamos estreitamente con artista e comisario para distribuir pinturas de formato grande, formato medio, siluetas de madeira, fotos…

Houbo que procurar solucións para mostrar os traballos de banda deseñada que fixera o xoven Patiño asi como toda unha serie de retratos tomados e manipulados naquel tempo. Optouse por pintar con cores fortes algunhas das salas, como a denominada Berro, de cor vermella, e a chamada Laboratorio, cun ton azulón. A obra seleccionada bebía das mobilizacións sociais, da política, da poesía, da explosión da cor, do rock ou da cultura urbana. O obxectivo era conseguir que a visita á mostra non fose un exercicio de contemplación senón unha viaxe experimental aos revoltos anos setenta.

---

---