Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Acompañamos ao músico galego máis internacional ao Festival da Luz en Boimorto (A Coruña), unha iniciativa solidaria e comprometida co medio rural promovida desde 2012 pola cantante Luz Casal e cuxa recadación destínase ao Banco de Alimentos de Galicia.

O concerto de Carlos Núñez, no que nos encargamos da produción, formulouse como unha actuación especial para pechar o festival, contando coa banda de gaitas Cerne no escenario. O concerto demostrou porque Carlos Núñez, ao longo de case vinte anos de carreira musical, está considerado o gaiteiro con maior proxección mundial, vendendo máis de un millón de discos e sendo candidato en dúas ocasións aos Grammy latinos.