Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Para o gaiteiro máis internacional de Galicia era un soño tocar no corazón de Santiago de Compostela no ano Xacobeo; para PXC un reto producir ese soño que requería dun escenario de 22 metros de boca e 20 de fondo!

Sete días de traballo in situ, entre montaxe, execución e desmontaxe, foron necesarios para poñer en pe o espectáculo de Carlos Núñez na compostelá Praza do Obradoiro xunto á Orquestra Sinfónica de Galicia. Para o gaiteiro máis internacional de Galicia era un soño tocar no corazón de Santiago de Compostela no ano Xacobeo; para PXC un reto producir ese soño que requería dun escenario de 22 metros de boca e 20 de fondo! Cinco días antes do concerto chegaban á praza os seis trailers que portaban a estrutura e comezouse a construción da mesma. A partir de aí, non paramos. Dous días antes do espectáculo, montáronse os equipos de iluminación e son; o primeiro concerto sinfónico de Carlos Núñez contaba co traballo de Roch Segovia, experto na iluminación espectacular de concertos folk en todo o mundo.
Todas as cifras deste concerto foron abraiantes: milleiros de persoas escoitaron o concerto en directo no Obradoiro e moitísimas máis seguírono na retransmisión da televisión autonómica, cen músicos no escenario entre a banda de Carlos Núñez, a Sinfónica e The Chieftains, máis de cincuenta mil quilos de estrutura, preto de duascentas bases para soportala, máis de cento cincuenta persoas traballando na produción…