Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Contamos coa xornalista da TVG Lorena Pose para conducir a gala e Caxade e o Mago Xacobe contribuíron con música e maxia ao éxito da mesma.

A universidade de Vigo segregábase no curso 1989-1990 da universidade única de Galicia, a de Compostela, e comezaba súa andaina con tres campus: Vigo, Ourense e Pontevedra. Como preludio a un programa de actividades conmemorativo do 25 aniversario, colaboramos co gabinete do reitor e de comunicación na produción dunha gala que tivo lugar o 4 de decembro de 2014 no Auditorio de A Fundación, en Vigo e que foi gravada pola TVG. Encargámonos de coordinar a escaleta e guión, da presentación e parte artística da gala e de adaptar o escenario partindo da imaxe gráfica do aniversario da Uvigo. Contamos coa xornalista da TVG Lorena Pose para conducir a gala e Caxade e o Mago Xacobe contribuíron con música e maxia ao éxito da mesma.