Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

A delegación galega da ONG internacional Aldeas Infantiles, presidida por Rosa Freire, encargounos producir e comunicar un concerto de Nadal no que promocionar o traballo que realizan con nenas e nenos, recaudar fondos e captar novos socios.

O artista escollido, Iván Ferreiro, aceptou o reto de involucrarse de maneira desinteresada nunha gala para a que reuniu un grupo de músicos amigos: Noni de Lori Meyers, Nicolás Pastoriza, Eladio Santos, Amaro Ferreiro, Rubén Pozo de Pereza e Roy Basanta. Esgotadas as entradas no Centro Cultural Novacaixagalicia de Vigo a resposta do público foi abraiante refrendando que Iván Ferreiro é un dos artistas galegos de maior tirón.