Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Traballamos con Categórica Producciones, promotora do concerto de Pablo Alborán, asumindo a produción deste evento, que tivo lugar no IFEVI.

Fixémonos cargo da produción (o concerto, previsto para o 28 de xullo, foi posposto a raíz do accidente ferroviario de Angrois) , que incluíu todas as tarefas de carga e descarga do material, montaxe de escenario, riggers e control de accesos ao recinto. Máis de oitenta persoas incorporáronse á produción en diferentes momentos da mesma e ao redor de seis mil persoas congregáronse no recinto para asistir ao espectáculo do artista malagueño.