Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Reciclando unha botella de plástico de auga a través dun sinxelo traballo artístico e converténdoa en tarro, os visitantes podían levarse un cultivo ecolóxico a casa

Desde a Cidade da Cultura convidáronos a participar na celebración do Día Mundial do Medio Ambiente e formulamos unha actividade que proporcionara ao visitante unha pequena recompensa pola súa sensibilidade. Reciclando unha botella de plástico de auga a través dun sinxelo traballo artístico e converténdoa en tarro, os visitantes podían levarse un cultivo ecolóxico a casa. En colaboración con Feitoría Verde, especialistas en educación ambiental e cultivos ecolóxicos, e Tamara Sánchez, da escola Crearte da Coruña.