Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Manuel Sendón, fotógrafo e comisario deste proxecto convidou a tres artistas a traballar ao redor da Costa da Morte como territorio de creación artística.

Fran Herbello, que deixou de lado a fotografía convencional para deixar que fose o sol o que producise imaxes sobre teas, Graciela Sacco, con videoinstalacións ao redor dos significados do mar, e Luis González Palma, utilizando cinco fotos e postais para pedir a intervención do público, foron os artistas convidados. Cada unha das salas acollía un vinilo cos texto explicativos dos artistas que contribuía a armar o discurso. O deseñador Antonio Doñate encargouse da parte gráfica, que incluía unha publicación da mostra.

---

---