Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Dúas mil cincocentas persoas participaban na Reunión Anual Informativa de Caixanova, o punto de encontro anual de todo o persoal da entidade financeira que se desenvolvía no Instituto Feiral de Vigo (Ifevi).

Primeiro tiña lugar a reunión, coa presentación de resultados por parte da cúpula directiva e, despois, celebrábase unha cea con remate festivo e orquestra en directo. A entidade pedíanos a confección de dous escenarios nunha mesma área un deles para a reunión e o outro para a orquestra; debiamos encargarnos da carpintería, escaleiras, aforados, decoración, iluminación e equipos de son. Os traballos para este evento duraban case unha semana; as tarefas de montaxe, escenario, iluminación, son e carpintería duraban tres días, na véspera do evento, con todo xa preparado, procedíase a realizar un ensaio xeral e ao día seguinte do mesmo o espazo debía quedar baleiro e limpo.

---

---