Produción e Xestión Cultural comeza a súa actividade en 1992 e na actualidade é unha das empresas de referencia en Galicia no ámbito da produción cultural. Desenvolvemos os nosos proxectos sen perder de vista os cambios nos hábitos culturais, botando man de novas ferramentas na xestión cultural e atendendo ao papel fundamental das intervencións comunitarias no noso contorno.

Aprazado desde finais de xullo debido ao accidente ferroviario de Angrois, o único festival do mundo no que, ademais de chegar en barco, o espectador non coñece o programa de concertos, volveu congregar a centos de persoas na magnífica Illa de San Simón, na Ría de Vigo.

Colaboramos na súa execución coa promotora SinSal Audio, encargándonos da montaxe e desmontaxes dos escenarios. Caxade, Gravenhurst, Germán Díaz, Le Parody, Triángulo de Amor Bizarro e Baden Baden foron algúns dos grupos na illa.